Horixe Anton Uriarte Geografia Fisikoan doktore den klimatologo donostiarrak egin duen baieztapen polemikoa Sabino Arana Fundazioak argitaratzen duen Hermes aldizkarian. Eztabaida hasi besterik ez da egin…

Anton Uriartek dioenez, "klima beti aritu izan da aldatzen" eta "ez dago frogatuta giza aktibitateak eragin duela beroketa globala". Bere iritziz, izan ere, kontzeptu hori "politika eta mitoa besterik ez da".

Adituaren ustez, "aldaketa klimatikoari buruzko gezurrek nuklearren zabaltzea ekartzen dute". Uriarte ez dago ados aldaketa klimatikoaren ikuspegi anbientalista eta katastrofistarekin eta CO2aren onurak ere defendatzen ditu: "Gas horrek, horrenbesteko beldurra diogun negutegi efektua eragin ordez, klima orekatzen du". Klimatologoak defendatzen duenez, atmosferako CO2aren kontzentrazioa handitzeak eta nolabaiteko berotzeak, hezetasun gehiagorekin batera, ziur aski biomasa begetala areagotzen lagunduko dute: "Lur berdeago bat lur beroago bat da".

Geografia Fisikoko doktoreak dioenez, "Lurra giza-planeta bat da, eta beraz, normala da guk eragina izatea atmosferan", baina "beste gauza bat da okerrera goazela pentsatzea. Lurrean landare gehien egon diren garaiak bero gehien izan den garaiekin bat egin dute. Nik uste dut bero pixka bat gehiago ondo etorriko litzaigukeela".