Punta-puntako teknologiako produktu bikaina atera du Applek: iPhone. Azken belaunaldiko tresna da eta sakelako telefonoaren, Applek ere egindako iPod famatuaren eta Internet bidezko komunikazio aparatuen funtzioak betetzen ditu.

3,5 hazbeteko kolorezko ukipen-pantaila dauka tresantxo horrek, eta iPhonea atzamar puntekin kontrolatu daiteke haren bidez. Erabiltzaileak testua tekleatu edo SMSa bidali nahi duenean, adibidez, akatsak zuzentzeko gaitasuna duen QWERTY teklatua agerrarazten du.

Gainera, 2 megapixeleko argazki kamera ere dauka aparatu berri horrek, Internetera konektatu egiten de Wi-Fi teknologia bidez eta pantailan bideoak ikusteko aukera ematen du.

Dena den, 2007ko ekainera arte itxaron beharko dugu Applen azken miraria erosi ahal izateko, eta hori Estatu Batuetan, Europan 2007ko bukaerara arte ez dutelako salduko. 499 dolarreko salneurria izango du lau gigako edukiera izango duenak eta 599koa zortzikoak, eta bai Mac ordenagailuetan bai ordenagailu pertsonaletan erabili ahal izango da.