"Euskara Askatasunean" manifestua aurkeztu zuen PSE-k joan den astean Donostiako Miramar jauregian. Manifestuak zeresan handia eragin du, bai alderdi politikoen artean, bai euskalgintzan eta baita gizartean ere.

Testuak euskararen erabilera politikoa salatzen du besteak beste baina egileek salaketa bera jaso dute ordainetan: hauteskunde ekitaldia izatea egozten baitzaie ekimenaren bultzatzaileei.

Horretaz guztiaz jardungo dute Rosa Miren Pagola filologian katedradunak, Andoni Unzalu Aurten Bai fundazioko presidenteak, Ander Iturrioz soziologoak eta Joseba Arregi irakasleak, besteak beste.

Bestalde, Bolo-bolo tartean, Juan Mari Arzak sukaldaria izango da platoan, Xabier Euzkitze eta Iñigo Agirre aurkezleen galderei erantzuteko prest. Euskal Herritar Unibertsalaren saria eman berri diote Arzaki Eusko Jaurlaritzak eta Euskadiko Kutxak, munduko herritarrei euskal sukaldaritza ezagutzeko aukera emategatik.

Ekonomia arloan gauzak okertzen direnean ere, badira sasoi txarretan onik ateratzen denik. Lierni Agirrezabala kazetaria Frakdun Kobratzaile batekin izan da ordainketetan berandutu direnei zorra kitatzeko garaia irisi dela gogora arazten.

Hori guztia, asteazkeneko "Kalaka" saioan, 22:05etan ETB-1en.