Ostegun honetan, Euskal Telebistaren lehen kateak "Mila Begi" dokumental eta erreportaje saioa emango du. Estitxu Fernandezek aurkeztuta, denontzat interesgarri diren gaiak aztertu eta azalduko ditu urtean zehar emititu diren dokumental eta erreportaje arrakastatsuenak bilduz.

Gauzak horrela, atal bakoitzak gau tematiko bat eratuko du: Drogak, alkohola, biktimak, gaua eta gazteak eta indarkeria izango dira ardatz nagusiak.

Astero, astero, gaur egungo gizartean interesgarri diren kontuen inguruko azterketa sakona egingo dute, protagonista eta adituen eritzi eta esperientziei lehetansuna emanez.

Lehen saioan, drogak

Hasteko, ostegun honetan droga izango dute hizpide nagusi. Horren inguruko bi erreportai emango dituzte: Astegun buruzurian eta Gaueko arrastoak izenekoak.

Droga kalean dago, baina non eta noiz kontsumitzen da gehien? Larunbat gau arruntetan kale eta aparkalekuak elkargune bihurtzen dira. Hegoaldeko gazteak eta Iparraldekoak bat eginik. Hemen ez dago mugarik.

Ondorioez gain, drogaren demokratizazioa aztertuko dute. Egun lehen baino gutxiago urratu behar da poltsikoa droga erosteko, geroz eta merkeagoa baita.

Edonon lortu daiteke baina kalitatezkoa al da Euskal Herrian saldu, erosi eta hartzen den droga? Kalitatezkoa den jakiteko, probatu egingo dituzte.

Bestetik, Gizakia Helburu terapia ireki batean sartu dituzte kamerak. Horrelako taldeetan sortzen den konfiantza eta intimitatea gertutik ezagutu nahi izan dituzte.

Nahikoa ote da lan munduan drogaren aurka aritzeko? Zer ondorio ditu droga menpekotasunak Euskal Herriko enpresetan? Nola aurre egin drogen eraginari eguneroko lanean? Lanak ez du inor droga kontsumitzera bultzatzen, drogazaleak, berak, ematen du droga lantokira. Mitoa hausteko garaia heldu da.

Drogaren arazoan "Mila Begi" jarriko dituzte, ostegun honetan, 22:00etatik aurrera, ETB-1en.