Goizean-goizetik gogor ekin beharko diete lanari bai Latxek eta bai Ankerrek osteguneko"Basetxea"n. Egun berezia izango dute eta indarrez aurre egin beharko diote, luzea izango baita. Latxe askoz ere lasaiago pasa dute azken astea Olatzek alde egin ondoren.

Ankerrek ere patxadan jarraitzen dute borda aberatsean, etor daitekeenaren zain. Espekulazioak ugariak dira, ustezko unifikazio bat baino ez dute buruan gehienek baina, hala ere, ezer jakin aurretik froga berri bati egin beharko diote aurre.

Hurrengo jokoan goitik behera bustiko dira “Basetxea”ko lehiakideak, eta bi artzain nagusien lana erabakiorra izango da; Ziortza eta Aitorrek paper berezia jokatuko dute oraingoan .

Baina... helduko ahal da hainbeste espero duten ustezko unifikazioa? Azkenean bat egingo ahal dute bi taldeek? Ostegunean ikusiko da, gaueko 22:00etan, ETB-1en.