Datorren asteartetik aurrera, azaroaren 13tik aurrera, Mercedes Luzuriaga aktorea ETB-2ko “Esto No Es Serio, ¿O Sí?” saioko lan-taldeko kide izango dugu. “Camera Café”ko  bekadunarena eginez egin da ezagun Mercedes Luzuriaga aktorea. “Esto No Es Serio, ¿O Sí?” saioan hainbat pertsonaia hezurmamituko ditu aktore bilbotarrak aurrerantzean. Horrez gainera, Menuda es mi suegra atal berriaren protagonista izango da. Bertan Carmen San Estebanekin hainbat egoera antzeztuko ditu.
Mercedes Luzuriaga, Itziar Urretabizkaia, Ramon Ibarra, Txubio Fernandez de Jauregi, Mikel Losada, David Avila, Itsaso González, Idoia Merodio eta Carmen San Estebanekin batera ikusi ahal izango dugu saioan.

Eguneroko bizitzan jazotzen diren egoerak dituzte oinarri umroea egiteko saio honetan. Etxean, tabernan, denda batean gertatzen direnak; familia baten eguneroko bizitza; seme-alabekin ditugun harremanak; bikotearekin, ugazabarekin edo lankideekin sortzen diren ohiko egoerak... antzezten dituzte. Guztiak ere umorez begiratuak eta surrealismo puntu batekin. Esketx laburrak eskaintzen dira, bata bestearen atzetik eta tartean, saioari erritmo eta arintasuna emateko “running gags” direlakoak sartzen dira.

“Eso No Es Serio, ¿O Sí?” astelehenetik ostegunera dago ikusgai, 20:30ean ETB-2n.