"Edo Zu, edo Ni edo Nor" autofilmaketa saioa estreinatuko du Euskal Telebistak bere lehen katean, ostiralean, hilak 14, gaueko 21:30ean. 13 familia edo pertsonai ezberdinek beraien eguneroko bizitza grabatuko dute utzi zaizkien kamera batzuk lagun.

ETBn orain arte ikusi ez den formatu berritzailea izango da hau. "Edo Zu, edo Ni edo Nor" saioko protagonistek eskuan eramango dute beraien kamera uneoro eta gertatzen zaienaren berri emango dute.

 

Lehen saioan Myriam eta Borja ezagutuko ditugu. Elkarrekin bizi dira Eibarren eta duela urte bete ezkontzea erabaki zuten. Aste batzuk bakarrik geratzen dira eta prestaketek ez diete ia ezertarako denborarik uzten. Opariak, jantziak, eraztunak... Xehetasun guztiak garrantzitsuak dira ezkontza eguna amesten duten bezala igarotzeko eta ikus-entzuleak horren lekuko izango dira.

Hurrengo ataletan istorio ezberdinak izango dira ikusgai. Aita arrantzalea den Ondarroako famili bat ezagutuko dugu. Hernaniko Maialenek, berriz, dantzari izateko dituen gogoez hitz egingo du eta gau giroa nola bizi duen erakutsiko du kamerarekin. Infantilismoa duen Leitzako Maiteren egunerokoan ere murgilduko dira.

Orio Produkzioak eta Antartida ekoiztetxeek ekoiztutako 13 saio izango dira guztira. Belen Astorki bilbotarra da saioaren zuzendaria.