Hasi dira ETB-2n "Mi Querido Klikowsky" telesailaren atal berriak. Bolada berrian Txominek (Janfri Topera) arazo pila izango ditu. Inguruan dituen guztiek ere kontu eta nahaspila ugari sortuko dituzte.

Horrez gainera, pertsonaia berri bat agertuko da denboraldi honetan: Loli Astorekak hezurmamituko duen Edurne pertsonaia alegia. Txominekin zeharo maiteminduta dagoen emakumea da Loli eta buruko min ugari emango dio.

Hostoil eta Tentazioak ETBrako elkarlanean egindako 15 atal berri emango dira. Atal hauetan ere protagonista izango ditugu: Janfri Topera (Txomin), Martin Gervasoni (Saul), Naiara Arnedo (Arrate) eta Esther Velasco (Maritxu). Eurekin batera Ane Gabarain (Margari), Kike Diaz de Rada (Manu), Vito Rogado (Ainhoa), Monica Van Campen (Silvia), Patxi Perez (Javi), Paco Obregon (Jon) eta Asier Arrizabalagak (Andoni) ere zer esan ugari izango dute.

Atal sorta honetan, esan bezala, Loli Astorika agertuko zaigu eta berarekin batera, Miriam Cabeza, uda aurretik Manuren Dolores alabarena egiten ikusi genuen aktorea eta Jose Kruz Gurrutxaga, Arraterekin harremana izango duen Mikel abokatuarena egiten duena ere nabarmenduko dira.