"Justizia" telesailaren Neska Ederra atal berria eskainiko du Euskal Telebistako lehen kateak  ostegunean, gaueko hamarretan.

 Ann Digg neska gazteak musika ekoizle ezagun bat hil izana aitortzen duenean, Tomek bere burua defendatzearren gertatu zela sinistu eta Roni eskatuko dio kasua har dezan debalde.

 Beti mila egitasmo buruan dituela, Ronek dirua lortzeko modua ikusiko du istorioaren eskubideak salduta. Gainera, Annekin iraganean harremanak izan zituzten gizon garrantzitsu eta ezagunen aldetik ere dirua jasoko du abokatuak. Euren izenak hedabideetan agertu ez daitezen ordaintzeko prest daude.

Ann gogoko badu ere –batez ere, ekoizlearen izaera zakarra eta bortitza ezaguna zelako- Aldenek neskaren defentsarako kaltegarriak diren jazoera kezkagarriak ezagutaraziko ditu. Annek ekoizlea zelan hil zuen ezin du zehatz-mehatz gogoratu eta, horregatik, Aldenek gorpuak dituen sastadak aztertuko ditu. Heriotzaren arrazoiak neskaren aitorpenarekin bat ez datozela ohartuko da.

Gainera, hil aurretik biktimak kontutik diru kopuru handia atera zuela jakingo dute; baina dirua ez da inon ere ageri.

Mirandaren laguntzarekin TNT&G etxeko abokatuek Annen irudia aldatuko dute. Epaimahaiaren aurrean mendebaldeko neska xalo baten gisa agertuko dute eta ez Los Angelesen bizi den emakume sexy baten itxuraz.

Epaiketaren ostean, flashback teknikari esker hilketaren gauean benetan gertatu zena jakingo dute ikus-entzuleek.