Rob Malda, munduko blogik arrakastatsuenaren (Slashdot) sortzailea, Bilboko Guggenheim museoan izan da gaur, Blogak 2.0 jardunaldiei hasiera emateko.

Bizkaiko hiriburutik bere blogak sarean izan duen arrakasta azaldu du. Hain zuzen ere, webguneak egunero jasotzen dituen 10.000 iruzkinak direla arrakasta horren "bihotza" adierazi du.

Blogak 2.0 Alianzo, Spri eta La Caixa etxeek antolatutako ekitaldia da, telebistaren eta hezkuntzaren etorkizuna, emakumeek teknologia berrien aurrean duten zeregina eta, oro har, web 2.0 hizpide hartuta. Gainera, Startup 2.0 lehiaketaren finala egin dute bertan.

Hitzaldian, AEBetako gazteak (31 urte ditu) Slashdot blogaren garapena gainbegiratu du. Gaur egun, 500.000 bisita ditu egunean.

Gainera, erabiltzaileek egunero idazten dituzten 10.000 iruzkinak kaieraren bihotza direla dio. Hori bai, iruzkin horiek denak moderatzea "ezinezkoa" dela argitu du. Giltza erabiltzaileek beraiek laguntzea dela dio.

Egunero 500 albiste jasotzen dituzte, eta editore talde batek hautatzen ditu publikatu behar direnak.