Maiatzaren 20tik aurrera, ETB-1eko  "Wazemank" saioa igandetan emango du ETB-1ek ordutegi nagusian, 22:00etan.  Igande gauez umore saioa patsadaz ikusteko aukera izango dugu. Aste honetan, musikaren atalean, Urko abeslariaren kanta baten bertsioa egingo dute Anjel Alkainek eta konpainiak. Hau ez da ikusiko dugun parodia bakarra izango, ordea. Jose Luis Kortarena ere egingo dute. Oriokoa lan bila ibiliko da berriz ere.

Arregitarrek iragarki bat grabatuko dute euren kontsultara jendea erakartzeko helburuarekin. Bitartean, Julianen sagardotegian mus txapelketa antolatuko dute. Gure Atsuen misioaren bukaera ikus ahal izango da. Astero legez, Xabier Euzkitze (Anjel Alkain) eta Joxean Tolosa (Jon Iraola) esatariak sukaldean izango dira. Oraingoan, flash freskagarri bat prestatzen erakutsiko diete ikus-entzuleei.

Zer esan du Mañukortak? lehiaketarekin jarraituko dute. Bertsolariak zer esan duen asmatuz gero, sari potoloak irabazteko aukera izango da. Aurreko asteko irabazlearen izena ere emango dute eta, ohi denez, beste asmakizun bat luzatuko dute.

"Wazemank" saioko aktore taldea Anjel Alkain, Mikel Laskurain, Ana Elordi, Ainere Tolosa, Jon Iraola, Egoitz Lasa, Mikel Pagadizabal Pagadi, Iñake Irastorza, Ixabel Agirresarobe, Aitor Gabilondo, Nagore Aranburu eta Anartz Zuazuak osatzen dute.