Aurkezpenean, arduradunek esan dute "gertuko" telebista izateko helburuz jaioko dela, "erakunde sozialen eta kulturalen eta Gasteizko herritarren arteko komunikazio harremanak estutzen" laguntzeko.

Kanala Eusko Jaurlaritzak TDT edo Lurreko Telebista Digitalaren zerbitzuak emateko esleipenen deitutako lehiaketaren emaitzaren zain dago. Ebazpena ekainerako espero da eta emisioak hiru bat hilabete beranduago hasiko lirateke.
 

Gasteiz TV definitzen duten irizpideak "adierazpen askatasunarekiko errespetua, objektibitatea, egiazkotasuna, inpartzialitatea eta pluralismoa dira". Ideario hori defendatzeko asmoz, EUVE zentro teknologikoak kolektibo sozialetako ordezkariek parte hartuko duten batzorde aholkularia osatzeko prozedimendua hasi du.

Teknologia digitalak izaera interaktiboa transmititzeko ematen duen aukera "erabakigarria" da kanalaren iritziz, eta arlo horretan "ingurugiroa, garapen jasangarria edo kontsumo arduratsua bezalako gaiekin zerikusia duten eduki tematikoak eskaini eta formazioa bultzatuko du".