Joxe Cruz eta Gorka gainontzeko herrikideek egindako eskulturak inauguratzera etorri dira berriz Garrantzora. Iñaki, Maritere eta Maddik Gorkaren eskultura egitea aukeratu zuten, eta Zuriñe, Aritz eta Anderrek Joxe Cruzena. "Erletxea" saioko etapa berri honetan Gorka zaharren arduraduna izango da eta Joxe Cruz gazteena.

 

Bi gonbidatuek goitik behera aztoratuko dute Garrantzoko bizitza. Amaieraraino geratuko ote dira? Lehiakideek ez dakite zein den benetan Gorka eta Joxe Cruzen betebeharra eta erbesterako hautagaia aukeratzerakoan nola jokatuko duten ezin asmatu dabiltza. 

Sei lehiakide besterik ez dira geratzen, eta taldearen oreka ahula da oso. Boto bakar batek duelura bidali dezake itxuran arrisku handirik ez duen lehiakide bat. Iñakik eta Aritzek, esaterako, argi dute finalera elkarrekin iritsi nahi dutela, nahiz eta horretarako Maddi, Ander edo Maritere duelura bidali.