Estitxu Fernandez eta Julio Ibarrak gidatuta, aurten ere "Euskal Kantuen Gaua" ospatuko da abenduaren 24an, 23:30etatik aurrera, ETB1n.

Bikote, hirukote, laukote… eta talde bereziak biltzen saiatu izan dira beti, baina aurtengo koadrila batzuk abesten hasi aurretik ere irribarrea aterako zaigu bati baino gehiagori.


Batetik, a zer nolako hirukotea agertuko den taula gainean: Joxe Joan Gonzalez de Txabarri, Jose Luis Bilbao eta Ramon Rabanera, Gipuzkoako, Bizkaiko eta Arabako ahaldun nagusiak, hain zuzen ere. Bestelako gaietan ados jartzen ez den hirukotea "Olentzero" abesten ikustea ez da galtzekoa, ez horixe!

tarrak emakume baten maitasunari kantu egiten? Bada, Pello Zabala eta Iñaki Beristain frantziskotarrek, Jonan Fernandez Baketik guneko zuzendariarekin "Maitiak galde egin zautan" abestuko dute.

Gaueko unerik deigarrietako bat Jose Luis Kortak eskainiko du. Izan ere, oriotarrak "Antton Antton" kantatuko du Letizia Arribas Miss Bizkaia, Natalia Zabala Miss Gipuzkoa eta Elena Loyo Miss Arabarekin. Ikustekoa dudarik gabe!

"Ixabelzaleentzat" sorpresa bikaina, Kutsidazu bidea, Ixabel filmeko Mikel Losada, Ainere Tolosa, Joseba Apaolaza, Iñaki eta Xabier Zapirain (bikiak), Jose Luis Ugartemendia eta Xabier Saldiasek "Behin batian Loiolan" abestuko baitute.

Eta nor gehiago? Arartekoa, Enbeita familiako bertsolariak, kirolariak, aktoreak, aurkezleak, kazetariak etab. Gonbidatuak lortzen saiatu direnak lan ederra egin dute, eta euskal gizarteko arlo guztiak ukitzeaz gain, ederki asmatu dute aukeraketan, bai horixe!

Agurrean "Hator hator" izango da entzungai gonbidatu guztien ahotsean.