1. Oso ondo, baina Gabonetan ez ezik, urteko gainerao egunetan ere eskuzabalak izan beharko ginateke...
Oier - 2006/12/05 11:02:19

2. Kontuz "elkartasun" maratoiarekin! ETBk jasotako diru guztia ematen al die erakunde horiei? Ala maratoiaren programa egiteko gastatzen duen dirua jendeak ematendakotik hartzen du eta gero soberan geratzen dena ematen die erakunde horiei?

Ez dakit, baina niri iaz zalantza agertu zitzaidan, izan ere, "etxean" (telebistan) lan egiten duen adiskide batek esan zidanez, jendeak emandako dirutik EITBk ehuneko handi bat hartu zuen ( uste dut % 40 edo 60 esan zidala) programaren gastuak ordaintzeko, eta beste ehunekoa eman zien erakundeei. Ideia ederra: batere sosik xahutu gabe EITBren onberatasunaren propaganda egin arrazoi justu baten izenean!

Ez dakit egia izango den adiskideak esandakoa ala zurrumurru hutsa, baina EITBko agintariek argitu beharko lukete nola ordaintzen duten programa hori (egiten duten despliegea eginda ez da merkea izango!), eta gero, bakoitzak jakingo du dirua eman ala ez, baina beti jakinaren gainean.

Nik badaezpada, inguruko guztiei aurten dirurik ez emateko esan diet; dirua eman nahi badute eman diezaietela erakunde horiei zuzenean eta ez EITBren maratoiaren bitartez, bestela telebistako programa ordainduko dutelako.

Kontuak argi mesedez! Ez jokatu herritarren diruarekin eta are gutxiago jendearen asmo onekin!
Kontuz honekin... - 2006/12/07 13:04:22

3. EiTBk minbiziaren aurkako elkartasun maratoia helburu bikoitzaz antolatu du: batetik gizartea sentsibilizatu nahi du eta bestetik, bildutako dirua ikerkuntzara bideratu. Hau guztia minbiziaz arduratzen diren Elkarteekin elkarlanean egiten da.

Maratoia ekoizteak eta burutzeak eragiten dituen gastu guztiak EiTBk ordaintzen ditu. EiTBk egiten duen ekarpenaren estimazioa, jasotako dirutzarekin parekatu daiteke.

Maratoiak eragiten dituen kanpoko gastuen ordainketa Elkarteen eta EiTBren artean banatzen da. Hori horrela izateko, gainera, ituna sinatzen dute bi aldeek. Maratoia aurrera atera dadin behar-beharrezkoak diren gastu hauek jasotako dirutzaren %15 izan ziren iaz, bataz beste.

Ez da egia, ondorioz, EiTBk jendeak ematen duen dirutzaren zatia gordetzen duenik. EiTBri hori egotzi dion testuaren egileak eskuartean darabiltzan datuak iazko diru bilketarekin zerikusia daukate. Hau da dirua nola banatu zen adierazten dute: jasotakoaren %40 elkarteei eman zitzaien eta gainontzeko %60 Ikerkuntzara bideratu zen.

EiTB Maratoiaren talde arduraduna - 2006/12/07 17:45:28

4. Ummmm... ez dakit, ez dakit... erderas esaten den bezala, "cuando el rio suena..."
Mikel - 2006/12/08 12:40:49

5. Mesedez! Non demontre esan nuen nik "EiTBk jendeak ematen duen dirutzaren zatia gordetzen duenik. EiTBri hori egotzi dion testuaren egileak..." Ez dakizue irakurtzen ala ondoegi dakizue manipulatzen? Inon ere ez nuen halakorik idatzi. Nik hauxe idatzi nuen: "jendeak emandako dirutik EITBk ehuneko handi bat hartu zuen ( uste dut % 40 edo 60 esan zidala) PROGRAMAREN GASTUAK ORDAINTZEKO, eta beste ehunekoa eman zien erakundeei".
Beraz, ez faltsutu nik idatzitakoa. Egia esan, ez dakit zergatik galtzen dudan denbora zuekin, azalpenak espero nituen bai, eta eman dituzue, baina ez nuen uste hain makur jokatuko zenutenik, manipulatzaile halakoak!

"Testuaren egilea" - 2006/12/11 11:12:32

6. Epa lagun:

Barkatu. Ez zaitut mindu nahi. Baina honelako azalpenak jaso eta gero, hobeto hartu beharko zenuke.

Ez haserretu zuk pentsatzen zenuena egia ez delako. (Edo niri behintzat hala iruditzen zait)

Nor da manipulatzailea?


Testuaren irakurle bat - 2006/12/11 14:32:06