"Euskara Askatasunean" manifestua aurkeztu zuen PSE-k joan den astean Donostiako Miramar jauregian. Manifestuak zeresan handia eragin du, bai alderdi politikoen artean, bai euskalgintzan eta baita gizartean ere.

Testuak euskararen erabilera politikoa salatzen du besteak beste baina egileek salaketa bera jaso dute ordainetan: hauteskunde ekitaldia izatea egozten baitzaie ekimenaren bultzatzaileei.

   (osorik irakurri)

Asteartehonetako “Goenkale” telesailaren atalean Leori eta Koldori iruzur egingo dioteMilenaren erreskatearen inguruan. Eta orain, arazo guzti honetaz gain, besteburuhauste bati aurre egin beharko diote, izan ere Imanolek udaletxean diruafalta dela somatuko baitu.

Mimik, bestalde, Germanen eskaintza onartueta bere bulegoan hasiko da lanean.

   (osorik irakurri)

Ostegun honetan Estitxu Fernandezek aurkeztutako "Mila Begi" erreportaje saioan, Alkoholaren inguruan jarriko dituzte begirada guztiak. Bere kontsumoaren efektuak eta ondorioak izango dira aztergai Kontrola? eta Anonimoak erreportajeetan.

Izan ere, alkoholaren kontsumoa asko handitu da azken urteotan euskal gazteen artean. Gero eta goizago hasten dira alkohola kontsumitzen eta, zenbat eta gazteago, gainera, orduan eta gehiago edaten dute. Betiko mitoak bizirik daude oraindik; sozializatzeko, heldu sentitzeko, eta lagun multzoan onartuak izateko kontsumitzen dute. Eta gainera, egungo gazteen eros ahalmena handiagoa izanik, eskuragarri dute alkohola.

   (osorik irakurri)

Egunotan bizi dugun ekonomia-egoera inoizko larriena omen da 1929.urteko "krak" famatuaz geroztik. Gure ekonomia puztuta omen zegoen eta azkenean globoak eztanda egin du. Leherketak finantza sistema osoa jarri du kolokan Ameriketako Estatu Batuetan eta bertako banku eta aseguruetxe asko dirurik gabe gelditu dira.
Gurean ere alarma gorria piztu da eta jendea "korralito" baten atarian ote gauden beldur da.

Lana da askoren kezka iturburu nagusietako bat orain. Lierni Agirrezabala erreportaria Iruñean izan da lanik gabe geratu diren bi enpresetako langileen testigantza jasotzen.

   (osorik irakurri)

Igande honetan, "Udazken loreak" saioaren bigarren ekinaldiari egingo zaio gaueko 21:30etatik aurrera. Udazkena hasi berria dela dagoela, Udazken Loreak saioari ekingo diogu bigarren denboraldi honetan. Hasierako emanaldietatik itzelezko arrakasta lortu zuen programa honek ikuslea modu atsegin eta gertukoan perretxikoen munduan murgiltzea du helburu. Azken urte hauetan gizartean perretxikoekiko zaletasuna eta jakinmina izugarri handitu da eta perretxiko gose hori nolabait asetzera dator “Udazken Loreak”.

Astero, Euskal Herriko baso batera irtengo dira, protagonista batekin, birekin edota lagun koadrila batekin. Perretxikoak nola biltzen dituzten erakutsiko dute, norberak erabiltzen dituen trikimailuak, perretxikoak biltzeko teknikak, zizaleku onak aurkitzeko sekretuak...

   (osorik irakurri)

Sabela alokatzea, alegia, beste norbaiten umea bertan haztea ez da oraindik legala ez Frantzian ezta Espainian ere. Frantzian, praktika hau 2009an legeztatzea aurreikusi dute, eta Espainian ere legeztatzearen aldeko ahotsak entzun dira azkenaldian. Gai hau izango dute nagusi astezken honetan, gaueko 22:00etan, "Kalaka" sioan.

Euskal Herrian bada horrelako kasurik. Internet sarea eskeintzaz josita dago. Lierni Agirrezabala erreportaria Nafarroako Martzila herrian izan da bere sabela alokairuan jarri nahi duen emakume batekin.
Nolanahi ere, ernaltzeko arazoak dituzten Europako bikote asko, seme-alaba modu horretan izatea erabaki, eta AEBetara joan ohi dira, bertako zenbait estatutan legezko jarduera baita. "Kalaka" Californian izan da bertako B-coming izeneko klinika batean. Bere bezeroen %70 espainarrak dira. Gerentearen bitartez jakingo dute nola alokatzen dira sabelak bere bitartekaritzaz.

   (osorik irakurri)

Prest dago jada "Vaya Semanita" saioaren denboraldi hasierako iragarkia.

Joan zen ostegunean irailaren 11n, Ama Birjin Zuriaren Enparantzan Gasteizen, grabatu zuten. Oraingoan, Abba-ren "Mamma Mia"ren bertsio berezia egin dute.

   (osorik irakurri)

Xabier Euzkitzek aurkeztutako "Kalaka" eztabaida saioak asteazken honetan ekingo dio denboraldi berriari ETB-1en. Itxura guztiz berrituta eta mahaiaren inguruan eseriko diren kalakari berriekin itzuliko da saioa, baina ez dira ohiko atalak faltako. Eztabaida bizia izaten jarraituko dute egungo gaien inguruan, beti ere ahalik eta jende gehienaren iritziak bilduz. Ikusleek ere izango dute telefono bidez beraien iritzia emateko aukera. Amaia Artetxe arduratuko da Euskal Herriko txoko desberdinetatik iristen diren ekarpen hauek laburbiltzeaz.

Ibarretxeren kontsulta Europara eramatearen egokiera eta ANVren ilegalizazioa izango dituzte denboraldiko lehen saioko eztabaidagai nagusietako batzuk. Auzitegi Konstituzionalak Ibarretxeren herri-galdeketa atzera bota duenetik, Lehendakariak Estrasburgeko Giza Eskubideen Epaitegian salaketa jartzera deitu ditu herritarrak. Deialdi horren inguruan eta 10 urte ondoren Lizarra-Garazi hitzarmena errepikatzeko aukeren arira egingo dute eztabaida kalakariek.

   (osorik irakurri)

Datorren irailaren 22tik aurrera izango dira ikusgai "Goenkale"ren atal berriak ETB-1en. Milenak desagertuta jarraitzen du, eta bere bilaketarekin emango zaio hasiera hamabostgarren denboraldi honi.

Alex eta Markel beraien ezkontzarako prestaketetan ibiliko dira burubelarri, baina azken orduko aldaketa batek guztiak hankaz gora jarri dezake. Juliak, bestalde, larri jarraitzen du ospitalean, eta bitartean, Agurtzanerengain geldituko da bai hotelaren eta bai bere aizparen seme alaben ardura. Kevin berriz, gizon baten heriotzarekin nahastuta ikusiko da eta, ondorioz, bere errugabetasuna frogatu beharko du.

   (osorik irakurri)

“Mila Begi” gauari begira. Dibertsioa, transgresioa... gaueko piztiek ezberdintasuna maite dute, moda joera bitxienak, jendetza biltzen duten lekuak... Non ibiltzen dira? Zertan?

Gaua asmatzen ibiliko dira lehenengo erreportajean. Eta diskotekako argipetik neonezko Argi gorripean ere geratuko dira. Bigarren erreportajean prostituzioa, beti agerian eta beti legalitatearen mugan.

   (osorik irakurri)