Kazetaritzaren belaunaldi berriaren inguruan aritu dira ostegun arratsaldez  Irlandako telebista publikoko Michael Lally ordezkariaren gidaritzapean. Fran Llorente TVEko Albistegi zuzendaria, David Dunkley eta Mark Norman bideo kazetariak, eta Cristina Ruiz Nafarroako Unibertsitateko irakasleak esperientziak eta gogoetak ekarri  dituzte.

Fran Llorente TVEko albistegien zuzendariak hiritarren parte hartzeaz hitz egin du. Hiritarren erreportaje eta albisteak “Cámara Abierta” saio berritzailean sartzeak suposatu duen freskura aipatu du. Halaber, kaletarrei ahotsa eman eta “Tengo Una Pregunta para Usted” izeneko programaren ekimenaz aritu da. Zapatero eta Rajoy izan dituzte protagonista saio horretan eta galderak, lehen pertsonan bizi dituzten lagunek egiteak duen garrantzia nabarmendu du.

Michael Lallyk David Dunkleyri eta Mark Normani eman die hitza. Bideo kazetaritzaren generoaz aritu dira. Genero hau hartzen ari den indarraz aritu dira eta euren lanak erakutsi dituzte. 

Azkenik, Cristina Ruiz Nafarroako Unibertsitateko irakasleak teknologia berrien eraginaz hitz egitearekin bat, teknologia berriek unibertsitateko prestakuntzan duten garrantzia aipatu du.