Michel Delebarre Eskualdeetako Lantaldeko presidenteak egitarautik kanpo bat egin du azken orduan Circom Europako Telebista Erregionalen Elkartearen 25 . Biltzarrarekin. Arratsaldeko 14:00ak aldera gonbidatu berezi gisa aritu da Europari dagozkion gaietan lurralde-komunikazioaren garrantziari buruzko saioan.

Hiritarrek, orokorrean, Europako kontuen inguruan ezer gutxi dakitela ohartu direla azpimarratu du Delebarrek . Zentzu horretan, lurralde ezberdinetako hedabideen eta Eskualdeetako Lantaldearen arteko lankidetza sustatzearen alde azaldu da. Lantaldeak hornitu beharko ditu edukiak eta informazioa.

Eskualdeetako Lantaldearen eta hiritarren artean daude tokian tokiko eta lurralde telebista eta irratiak. Bere ustez, hiru eragile hauek etorkizun bateratua dute. Horretarako, eskualde ezberdinetako informazio egiturak sendotu behar direla azaldu du Delebarrek.

Eskualdeetako Lantaldeak (EL), eskualdeetako eta tokian tokiko agintarien iritziak adierazten ditu Europar Batasunean.