Bitxiblog

Bitxikeriak: URL-a eta RSS-a aldatu ditugula gogorarazi nahi dizuegu

Tue, 2 Dec 2008 15:21:53 +0000

Kaixo danori. Bitxikerien blog honek ohiko formatuari agur esan dio. Konturatu izan al zaretenez azken egunetan ez dugu post berririk sartu toki honetan.

Mudantza egiten ari gara!

Wed, 12 Nov 2008 09:22:02 +0000

Batzuk jada ohartuko zinateke, baina mudantza egiten ari gara!

Hemendik aurrera eitb.com-en "bitxikeriak" sailean aurkituko gaituzue.

Han itxaroten zaituztegu!

Aljerko gazte bat 35 oilasko bata bestearen atzetik jateko gai da

Wed, 8 Oct 2008 16:15:51 +0000

Salim, 25 urteko gazte bat, famatu egin da Djendelen, bere herrialdean, Arjel (Aljeria) hego-mendebaldean. Arjelkoa bildots bat, 50 katilukada zopa edo 35 oilasko jateko gai da.

Salim epaiketa baten ondoren egin zen ospetsu. Gaztea janari denda batean ibili zen lanean, eta nagusiak lau barazki- eta fruta-kutxa lapurtzea leporatu zion. Epaiketan, lapurreta ikusi zuten bi lekukok Salimek kutxetan zegoen guztia irentsi zuela baieztatu zuten.

Txinan eliza bat mugituko dute, errail bidez, errepideari tokia egiteko

Tue, 7 Oct 2008 09:09:50 +0000

Fuzhouko agintariek, Txinako hego-ekialdeko hiria, eliza bat gurpilekin eta errailen gainean mugitzeko lanak hasi dituzte, errepide berri baterako lekua uzteko asmoz, Txinako Interneten bidezko Informazio Zentroak jakitera eman duenez.

Azken hilabeteotan, langileek eliza lurretik metro bat altxatzeko (katu hidraulikoekin), azpian errailak jartzeko eta hego-ekialderantz astiro mugitzen hasteko lanean izan dira. Abuztuaren 30ean hasi zituzten lanak.

Limosna emateko, txartela erabil daiteke

Mon, 6 Oct 2008 08:40:17 +0000

Sao Paulo Estatuko (Brasil) Ribeirao Pretoko Katedralak dirua batzeko sistema berri bat instalatu du jarraitzaileek hamarrenak eman ahal izateko: datorren astelehenetik aurrera egiten dituzten dohaintzak kreditu-txartela baten bidez egin ahal izango dituzte.

Sistema horrek, herrialdean dagoen bakarrak, hamarrenak ordaintzeko ez ezik, ospakizunen kuotak ere ordaintzeko balio izango du, esaterako, bataioak (21 dolar inguru) eta ezkontzak (110 dolar), Globo albiste-portalak jakinarazi duenez.

Coca Colak espermatozoideak hiltzen dituela ikertu zutenei IG Nobel sari bat eman diete

Fri, 3 Oct 2008 08:19:56 +0000

Coca Colak espermatozoideak hiltzen dituela edota jendeak, kraska egin ezkero, patata frijitu kerratuak pozik jaten dituela aurkitu duten ikertzaileek IG Nobel sari alternatibo bana irabazi zuten atzo.

Nahaspilatu daitekeen edozer nahaspilatuko dela eta txakurren arkakusoek katuenenak baino altuago salto egiten dutela ikertu zutenek ere saria eraman dute etxera.

Bizarzuri eta Robin Hood Brasilgo udal hauteskundeetara aurkeztuko dira

Thu, 2 Oct 2008 09:41:16 +0000

Sei Obama, Malakias profeta, Bizarzuri eta beste ehunka ezizen bitxidun lagun Brasilgo udal hauteskundeetan lehiatuko dira. Hala ere, gehienek euren auzotar eta lagun artean azaltzeko aurkezten dituzte euren buruak zerrendetan.

Brasilgo 5.563 udaletan alkateak eta 52.137 zinegotzi hautatu beharko dituzte, eta horretarako 364.816 hautagai aurkeztu direla esan du Hauteskundeetarako Auzitegi Nagusiak.

Ur azpiko bistak dituen hotela egingo dute Txinan

Wed, 1 Oct 2008 19:41:53 +0000

Txinako Hainan irlan (herrialdearen hegoaldean) dagoen Wenchang hirian ur azpiko hotela eraikiko dute 2015erako.

Eraikin berezi hori egiteko 200 milioiko inbertsioa egin beharko dute, Pekingo Joko Olinpikoetan egindako eraikuntzetarako behar izan zutenetik gertu ("Habia" estadioak 300 milioi euro balio zuen).

Nork egingo dio asegurua nire astoari?

Mon, 29 Sep 2008 08:27:19 +0000

Astoen jabeek aseguru-polizak kontratatzeko oztopo ugari aurkitzen dituzte Estatuan. Astoaren gainean paseoak eskaintzen dituzten enpresek arazoak dituzte aseguruak aurkitzeko eta horien koste altuek negozioaren errentagarritasuna kolokan jartzen dute. Nekazal turismoan gero eta arrakasta handiagoa izaten ari dira astoekin egindako ibilaldiak.

Pastelgile batek koadro jangarriak egiten ditu Nafarroan

Tue, 23 Sep 2008 07:43:27 +0000

Santiago Quintana Burlatako pastelgileak azukre kilo mordoa bildu ditu datorren larunbatera bitartean Santo Domingo udal merkatuan izango den erakusketa antolatu ahal izateko.

45 urte ditu Quintanak eta pastelgintza eta margogintza ditu gustoko. Bi zaletasun hauek azukrez eginiko koadro jangarriak ekoizteko batzen ditu.

Koadroa zurezko xafletan margozten du hasieran, eta ondoren osagaiak gehitzen dizkio: azukrea, arraultz zuringoa, limoia eta, koadroari kolorea emateko koloratzailea, alegia.

Bere lanerako erabiltzen dituen osagai guztiak jan daitezke. Koadroek ez dute arazorik ematen apurtzen badira edota “ume baten eskuetara ailegatzen badira”.

Quintana joan den urtean hasi zen koadro jangarri hauek egiten. Gehien baten Sanferminetan oinarritzen ditu bere margoak. Zezenak, kartel zaharrak edota San Fermin bera ikus daitezke bere obretan. Hala ere, pilota edota harrijasotzaileak ere margozten ditu noizean behin.