Bitxiblog

"Miss Moja" lehiaketa bertan behera, "infernura joatea" agintzen zioten mehatxuak jaso ondoren

Mon, 25 Aug 2008 19:20:30 +0000

Antonio Rungi apaiz italiarrak lehiaketa antolatu zuen Internet bidez herrialdeko moja ederrena hautatzeko. Baina apaizak duen blogean jasotako "irain gogorrak" eta "infernura joatea" agintzen zioten mehatxuak jaso ondoren, bertan behera geratu da ekimena "nahasmendu" handia sortu delakoan.

18 eta 40 urte arteko mojei argazkiak bidaltzeko eskatu zien Rungik edertasun lehiaketan parte har zezaten, hala "emakume zatarrenak moja egiten direla dioen aurreiritzia" amaitzeko.

Errauskine eta Edurnezuri: Atxilotuta zaudete

Fri, 15 Aug 2008 19:42:03 +0000

Disneyland-eko mundu magikora eguna igarotzen joan diren bisitarietako batzuk txundituta gelditu dira Errauskine, Edurnezuri eta fikziozko beste hainbat pertsonaia Poliziak nola atxilotzen zituen ikusterakoan.

Agenteak Disneylandeko sarrerara joan dira, Anaheimen, Los Angeles-etik hurbil, langile talde bat, asko eta asko Disneyren munduko pertsonaien jantziekin mozorrotuta, lan hobekuntzak eskatzeko bildu ondoren, bertako hedabideek informatu dutenez.

Zenbat otso, Txanogorritxu?

Tue, 12 Aug 2008 15:54:08 +0000

Carlos Fernandez-Garcia irakasleak, Oviedoko Unibertsitateko Matematika saileko kidea, otso-taldeen uluen grabaketetan uluak banan-banan zenbatzeko metodo berri bat garatu du.

Signal Processing aldizkarian agertzen den arabera, teknika berri horrek seinalearen tratamendurako tresnetan du oinarria eta otsoen bizimoduak ikertzeko erabilgarri izan daiteke.

Tximinoen talde batek komisaldegi bati eraso egin dio Indian

Mon, 11 Aug 2008 10:36:10 +0000

Agra (India) hiriko Polizia agiri garrantzitsuak berreskuratzen saiatzen ari da, tximinoen talde batek bertako komisaldegiari egindako erasoren ostean.

Behartsua izatetik, poltsikoan 100.000 dolar izatera

Fri, 8 Aug 2008 11:51:48 +0000

Amaren herentzia baten bidez 100.000 dolar jasoko duen Floridako (AEB) txiro bat aurkitu dute, abokatuak aste batzuk haren bila egon ostean.

Ronald Novak sasien artean hamaika aldiz lo egin duen 61 urteko gizona Plantationen, Miami iparraldean, agertu da, bere ama (2001ean hil zen) artatu zuen medikuaren bila joan eta gero.

Iruñeko taberna batek pezetekin ordaintzeko aukera eskaintzen du

Mon, 4 Aug 2008 08:06:19 +0000

Ha ze poza hartzen dugun fraketako patrikan edota sofaren azpian txanponak aurkitzen ditugunean. Eta ha ze nolako malenkonia pezetak direnean. Ez da zaila bost ogerlekoko txanponei erabilera bat ematea, iduneko bezala, giltzekin batera... baina diru-zorroko beste laguntxo guztiekin; horiekin zer?

Zein izan da historia osoko lehen txistea?

Fri, 1 Aug 2008 05:38:35 +0000

Seguru aski, txikiak ginean guztiok geure buruari egin dizkiogun galderak dira honakoak: Nork kontatu zuen historia osoko lehen txistea? Non? Eta zein izan zen? Wolverhamptongo Unibertsitateak (Britainia Handia) dauzka erantzunak.

Lehen txistea sumertarrek (gaur egun Irakeko hegoaldea den lurraldean bizi izan zen herri bat) kontatu zuten Kristo aurreko 1900 urtean.

Bikote batek dituen 16 seme-alaba guztien izenak "y"z amaitzen dira

Thu, 24 Jul 2008 11:32:29 +0000

Anberesko (Belgika) flandestar bikote batek haurra izan berri du; 16 ditu jada! Azken hau neskatoa izan da, eta honi ere, aurreko guztiei bezala, -y amaieradun izen bat jarri diote, Gazet van Antwerpen egunkariaren bertsio digitalean jakinarazi dutenez.

Wendy (23 urte), Cindy (20), Jimmy (19), Brendy (18), Sonny (17), Sandy (16), Purdy (15), Chardy (11), Yorry (10), Yony (8), Britney (7), Yenty (5), Ruaby (4), Xanty (3) eta Pearly (1,5) dira Lovely jaioberriaren neba-arrebak.

Biluzik zegoen gizon bat hegazkineko larrialdiko ateak irekitzen saiatu da hegaldiaren erdian

Tue, 22 Jul 2008 15:36:03 +0000

AEBetako futbol talde bat ospetsu egin da, baina ez azken partiduan irabaztea lortu zuelako, hegazkinean biluzik zebilela larrialdietako ateak zabaldu nahi izan zituen gizon bat menderatzeagatik baizik.

Massachusettseko New England Revolution taldeko futbolariak azken egunotan inguruko heroi bilakatu dira Bostonetik Los Angelesera zihoan hegaldian egin zutenarengatik.

Argindarraren faktura 215 kilo txanponekin ordaindu du

Fri, 18 Jul 2008 19:47:31 +0000

Belgikar batek zentimo bateko 215 kilo txanponekin ordaindu du argindarraren eta gasaren faktura energiaren prezioaren garestitzeagatik protesta egiteko.

Patrick Janssen Electrabel konpainiak, herrialdeko enpresa nagusiak, Amberesen duen egoitzara joan da dirua bi karretilatan zeramala.