Salim, 25 urteko gazte bat, famatu egin da Djendelen, bere herrialdean, Arjel (Aljeria) hego-mendebaldean. Arjelkoa bildots bat, 50 katilukada zopa edo 35 oilasko jateko gai da.

Salim epaiketa baten ondoren egin zen ospetsu. Gaztea janari denda batean ibili zen lanean, eta nagusiak lau barazki- eta fruta-kutxa lapurtzea leporatu zion. Epaiketan, lapurreta ikusi zuten bi lekukok Salimek kutxetan zegoen guztia irentsi zuela baieztatu zuten.

Epaiketaren ostean, arjeltarra ospetsu egin zen. Bere auzokideek ez dute festetara gonbidatzen dena jango duen beldur. Salimek erabaki bat hartu zuen: asko jaten dutenen lehiaketetan parte hartzea bere trebetasun bitxia erakusteko.

Bere herrialdeko lehiaketa guztiak irabazita, eta beste tripontzien markak hobetu eta gero, bere izena Guinness liburuan agertzea du helburu.