Fuzhouko agintariek, Txinako hego-ekialdeko hiria, eliza bat gurpilekin eta errailen gainean mugitzeko lanak hasi dituzte, errepide berri baterako lekua uzteko asmoz, Txinako Interneten bidezko Informazio Zentroak jakitera eman duenez.

Azken hilabeteotan, langileek eliza lurretik metro bat altxatzeko (katu hidraulikoekin), azpian errailak jartzeko eta hego-ekialderantz astiro mugitzen hasteko lanean izan dira. Abuztuaren 30ean hasi zituzten lanak.

Elizak ia bukatu du alboko mugimendu guztia, baina orain zailena datorkie; egitura 90 gradu mugitu behar dute ataria kalera begira egon dadin.

Ez da lehenengo aldia hirigintzako aldaketek eraikin historiko bat mugitzera behartzen dietela: 2003. urtean, Shangaiko antzoki zahar bat metro ugari mugitu behar izan zuten zirkulaziotik urrunago egoteko eta aitzinean lorategi bat izateko.