Sei Obama, Malakias profeta, Bizarzuri eta beste ehunka ezizen bitxidun lagun Brasilgo udal hauteskundeetan lehiatuko dira. Hala ere, gehienek euren auzotar eta lagun artean azaltzeko aurkezten dituzte euren buruak zerrendetan.

Brasilgo 5.563 udaletan alkateak eta 52.137 zinegotzi hautatu beharko dituzte, eta horretarako 364.816 hautagai aurkeztu direla esan du Hauteskundeetarako Auzitegi Nagusiak.

Hautagai kopuru horrek Brasilen dagoen alderdi-aniztasun bitxia islatzen du, izan ere, hautagai gehienek izen “artistikoak” hartzen dituzte hauteskundeetako base datuetan hala agertzeko.

Izan ere, urteak dira Brasilen hauteskundeak modu elektronikoan egiten direla ohiko paperetan egin ordez.

Hala, sei hautagaiek AEBetako presidente demokrataren izena eta haren inguruko aldaerak erabili dituzte zerrendetan euren izenak jartzeko. Horrela, Brasilgo hauteskundeetan Obama, Barack Obama Belford Roxokoa, Davi Obama, Epaminondas Obama brasildarra eta Barak Obama egongo dira besteak beste.

Horrez gain, badaude ere politika alde batera utzi eta kutsu erlijiosodun izenak aukeratu dituztenak, hots, Lenice Obispa, Nilson Artzain Bedeinkatua eta

Badaude ere Bibliatik edota historia liburuetatik ateratako izenak aukeratu dituztenak, Malakias Profeta, Eric Gorria, Oliveira Rovin Hood eta Pedrinho Zoroastro, alegia.

Ildo beretik, politikaren eremuan arrakasta izan nahi duten hainbat polizia ere badaude, izan ere, zinegotzi izateko hautagai zerrendetan Rabelo Koronela, Rezende, Lukas eta Luiz Eduardo kapitainen izenak ageri dira.

Eta umeek bozkatuko balute, ziurrenik Bizarzuri eta Paulo zoriontasuna bakarrik, izango lirateke aukeratuak inolako ezbairik gabe, baina, hauteskundeetan bozka emateko 18 urte behar direnez, igandera arte ez dute garailearen izenik jakingo