Atletak sasoiko egon dira Beijingo Olinpiar Jokoetan, argi geratu da, eta ez soilik izandako emaitza onei erreparatuta. Izan ere, pistetan ez ezik gune olinpikoan ere markak hautsi dituzte nazioarteko kirolariek. Bertan banatutako 80.000 kondoietatik ez da bat bera ere geratu jokoen amaieran, atleta guztiak beren herrialdeetara itzuli ostean, Xinhua albiste agentzia ofizialak jakinarazi duenez.

Agentzia horrek Beijingo Udalaren osasun departamentuaren iturriak aipatuta adierazi duenez, "atletek zein ordezkaritzek pozik geratu ziren hiesaren aurkako borrokan Beijingek hartutako neurriekin".

80.000 kondoi gutxi balira, Beijingo Udalak beste 400.000 banatu zituen doan, hiesaren aurkako kanpainaren baitan, hiru izar edo gehiagoko 424 hoteletan. Horrez gain, 250.000 informazio-panfleto zabaldu zituen.