David Duchovny aktore estatubatuarra, "The X files" telesailean Mulderren paperean ezagun egin zena, birgaitze zentro batean sartu da duen sexu-mendekotasunagatik.

"Neure borondatez sartu naiz zentroan, sexu-mendekotasuna senda diezadaten", azaldu du aktoreak agiri bidez. 

"Errespetua eta pribatutasuna eskatzen dut emaztearentzat eta seme-alabentzat, familia moduan egoera hau gainditzen dugun arte", gaineratu du Fox Mulder bezala ezagunagoa den aktoreak.  

Gainera, ez da hori bakarrik izan hizketagai, baizik eta “Californication” telesail berrian duen paperarekin antza izan dezakeela sexu-mendekotasunagatik.

Izan ere, sexuari erabat lotuta dagoen idazle baten papera egiten du Duchovnyk “Californication”en eta agertzen diren eszena erotikoak nahiko esplizituak izan ohi dira.