Carlos Fernandez-Garcia irakasleak, Oviedoko Unibertsitateko Matematika saileko kidea, otso-taldeen uluen grabaketetan uluak banan-banan zenbatzeko metodo berri bat garatu du.

Signal Processing aldizkarian agertzen den arabera, teknika berri horrek seinalearen tratamendurako tresnetan du oinarria eta otsoen bizimoduak ikertzeko erabilgarri izan daiteke.

Fernandez-Garcia irakasleak esan duenez, "aske dauden otsoak zenbatzeko gaitasuna da metodo horren abantaila nagusia". Horrez gain, beste tekniketan behar diren giza baliabideak eta gastuak baino "askoz ere txikiagoak" direla honakoan adierazi du irakasleak.

Otsoen zenbaketak maiztasunez egiten dira haien bizimoduak ikertzeko, abereengan duten eragina edo leku batzuetan babespean dauden espezieak aztertzeko. "Uluen grabaketak oinarritzat hartuta gure arazo nagusiena da jakitea zenbat otso heldu eta gazte dauden eta, era berean, saiatzen gara otsokumeak zenbatzen ere", azaldu du Fernandez-Garciak.