Amaren herentzia baten bidez 100.000 dolar jasoko duen Floridako (AEB) txiro bat aurkitu dute, abokatuak aste batzuk haren bila egon ostean.

Ronald Novak sasien artean hamaika aldiz lo egin duen 61 urteko gizona Plantationen, Miami iparraldean, agertu da, bere ama (2001ean hil zen) artatu zuen medikuaren bila joan eta gero.

"Gaur izan dut herentziaren berri eta oso pozik gaude guztiok", esan du Novakek, Sun-Suntinel egunkariaren bertsio digitalean agertzen denez. Richard Ansara abokatuak lehenagotik ere ezagutzen zuen Nova, iazko maiatzean kuxkuxean ibiltzeagatik 47 eguneko kartzela zigorra ezarri ziotenetik, hain zuzen.

Ansarak, behartsuaren bilaketan, Novaken argazkiak banandu zituen denda ezberdinetatik eta Sun-Sentinel egunkariari ere bidali zion. Horri esker ezagutu zuten ospitaleko langileek Novak.

Abokatuak gosaltzera eraman zuen Novak, polizia-etxetik gertu zegoen jatetxe batera. Geroago, Fort Lauderdalen duen bulegora joan ziren herentzia jaso ahal izateko eginbideak betetzeko.