Ha ze poza hartzen dugun fraketako patrikan edota sofaren azpian txanponak aurkitzen ditugunean. Eta ha ze nolako malenkonia pezetak direnean. Ez da zaila bost ogerlekoko txanponei erabilera bat ematea, iduneko bezala, giltzekin batera... baina diru-zorroko beste laguntxo guztiekin; horiekin zer?

2002ko martxoaren 1an pezetak erabilera legala izateari utzi zion, baina hala ere, oraindik 1.907 milioi euro pezetetan daudela kalkulatu dute adituek. Espainiako Bankuak 1997 osteko txanponak eta 1939 osteko billeteak epe mugagabean aldatzen ditu.

Hala ere, asko lotsatu egiten dira banketxean esku bete pezeta sartzearekin eta horregatik Felipe Martineze Iruñeko Merindades enparantzako "Esperando...te" kafetegiko jabeak bere lokalean pezetekin ordaintzeko aukera eskaintzen du.

Bere taberna "alternatiboa" dela dio, eta horregatik ematen dutela "pezetekin ordaintzeko aukera".

Martinezek esan du berea ez dela kasu bakarra, izan ere, Manakorreko dekorazio-denda batean eta Madrileko Las Letras auzoko paper-denda batean ere pezetekin ordaindu daitekeela.

"Esperando...te" tabernak, era guztietako txanponak onartzen ditu, eta kanbioa ere pezetetan ematen du. Gainera, promoziorako beste alde positibo bat, prezioak "beherantz" biribiltzen ditu, 2002. urtetik hona euroa iritsi zenetik egon den igoera orokorrari aurre egiteko.