Anberesko (Belgika) flandestar bikote batek haurra izan berri du; 16 ditu jada! Azken hau neskatoa izan da, eta honi ere, aurreko guztiei bezala, -y amaieradun izen bat jarri diote, Gazet van Antwerpen egunkariaren bertsio digitalean jakinarazi dutenez.

Wendy (23 urte), Cindy (20), Jimmy (19), Brendy (18), Sonny (17), Sandy (16), Purdy (15), Chardy (11), Yorry (10), Yony (8), Britney (7), Yenty (5), Ruaby (4), Xanty (3) eta Pearly (1,5) dira Lovely jaioberriaren neba-arrebak.

Amak (38 urte) egunkariari jakinarazi dionez, Lovey azkena izango da seguruenik; izan ere, 17.a gustura izango lukeen arren, erditzearen minak beldurra ematen dio. Halere, 16 seme-alabak anestesia epiduralik gabe izan ditu

"Gainera, hemendik urte gutxira ilobak helduko dira eta haiek hezten lagundu nahi dut. Une hori heltzerakoan oraindik nire seme-alabak zaintzen ez egotea espero dut", esan du amak. Familiak 4 seme eta 12 alaba ditu, eta oraingoz Jimmy baino ez da bizi etxetik kanpo; Brendyk (18), baina, laster utziko du gurasoen etxea.