Australiako Poliziak ezindu bati gurpil-aulkia Queensland Estatuko autobiatik mozkortuta gidatzea leporatu dio, bertako egunkariek adierazi dutenez. Zirkulazio agenteek lokartuta aurkitu zuten autobideko irteera batean.

Gizona 64 urtekoa da eta Cook Kapitaina autobidea hartu zuen Cairnsen, 14 kilometrora dagoen Trinityko hondartzan lagun bat bisitatzeko asmoz. Hiri horretako auzitegietara jo beharko du uztailaren 7an (San Fermin).

"Jendeak jakin beharko luke mozkortuta gidatzeko dagoen arautegia mota guztietako ibilgailuei, zaldiei eta txirrindolei eragiten diela", esan du Bob Waters agenteak.

Poliziek egin zioten alkoholemia kontrolean, salatuak sei aldiz gainditu zuen baimenduta zegoen alkohol tasa.