Antzinako eran. Modu horretan mantendu dute harremana kanpokoekin Brasileko espetxe bateko presoek.

Brasileko kartzela bateko presoek hezitako usoak erabiltzen zituzten segurtasun neurriak trufatu eta espetxera drogak eta telefono mugikorrak sartu ahal izateko.
 

Espetxeko segurtasun arduradunek igarri zuten Mariliako (Sao Paulo barnealdean) espetxean gertatzen ari zena, preso baten emaztearen poltsa ikuskatu eta uso bi ezkutatuta zeramatzala ikustean.

Poliziek urte hasieratik eduki dute gertatzen zebilenaren susmoa, inguruan usoak zailtasunez hegaz ikusten zituztelako eta azken boladan droga eta telefono mugikorren atzematea ohi baino ugariagoa zelako.

"Erabateko aro digitalean gaudela, mezularia kanpoaldearen eta barruko presoen arteko bitartekari lanetan gaudela ikusi dugu" adierazi du Paulo de Souza koisarioak.

Presoen kontaktuek usoen lepoetan poltsatxoak lotzen zituzten, eta bertan droga eta telefonoak sartzen zituzten.

Usoak antzina bezala, hezitako lekura bueltatzen ziren, espetxera alegia, eta modu horretan, kartzelako segurtasun neurriez trufatu egiten ziren.