Britainia Handiko irletan laguntza bidezko ugalketako erabiltzaile kopurua areagotuz doa eta esperma emaile kopurua, berriz, gero eta urriagoa da. Hala, azken boladan, beste herrialde batzuetatik inportatu dituzte haziak.

Izan ere, azken denboraldian, Britainia Handiko esperma emaileen kopuruak ikaragarri egin du behera.  

Eskozian, egoera ezin okerragoa da laguntza bidezko ugalketaren eremuan, hots, esperma emaile bakarra dago herrialde osoan.

Dagoeneko hasi dira 'krisi nazionalaz' berba egiten, izan ere, hainbat ugalkortasun klinika itxi egin dituzte eta seme-alabak izan nahi dituzten bikoteen desioa ere bertan behera geratzen ari da.

Arazo larri honen jatorria Lorden Ganberak onartu berri duen legean dauka jatorria. Lege berri horren arabera, laguntza bidezko ugalketaren bidez jaiotako ume guztiek euren aita biologikoa ezagutzeko eskubidea daukate.

Emaileentzako anonimotasuna galtzea oztopo handia da esperma bezalako 'lehengai baliotsua' ematen jarraitzeko.

Esperma urritasunak eta beharrak, Espainiatik Britainia Handiko irletara inportazioak egitea eragin du.