Justizia ezberdina oso da herrialde bakoitzean. Zenbaitetan, Mendebaldean xelebrekeritzat joko genituzkeen egintzengatik nekez uler genitzakeen zigorra ezartzen dituzte Ekialdean.

Adibiderik gordinena Singapurren aurkitu dugu. Han, emakumezkoen besapeak usaintzeko mania zuen gizon bati 14 urteko espetxealdiko eta 18 zigorrada jasotzeko zigorra ezarri dio Justizia Auzitegi batek, bertako prentsak jakitera eman duenez.

Akusatuak (36 urte) buruko gaitz bat du eta etxebizitza eraikinetako atarietan edo igogailuetan aurkitzen zituen emakumeei ukituak egiteko eta beren besapeak usaintzeko mania zuen. Auzitegiak erruduna dela erabaki du gutxienez 23 emakumeri sexu-erasoa egiteagatik.

Auzitegiaren ebazpenaren arabera, zigortutako gizona arriskua da gizartearentzat delitu berberak errepikatuko lituzkeelako aske jarraituko balu.

Larritzat jotzen diren delituak –drogak edukitzea, bortxaketa eta bandalismo delituak– egiten dituzten gizonezkoei zigorradak ematea baimentzen du Singapurreko legediak, zigor nagusiaren gehigarri gisa.