Brasileko Poliziak 880km/orduko abiaduran gidatzeagatik isuna jarri diote, eta gidariak abiadura hori hartzea ezinezkoa dela dioen helegitea aurkeztu duen arren, ezezko borobila jaso du.

Rafael Andrade ingenieria 2006. urtetik dabil 127 errealeko (78 dolar inguru) isuna gainetik kendu nahian. Antza denez, radar batek bere Volkswagen Milean zihoala 880km/orduko abiaduran harrapatu zuen, hots, hegazkinek hartu ohi duten abiaduran.

Gertakariak, isunaz gain bere gida-baimenean bost puntu kentzea ere sortu zuen arau-hauste larritzat jo baitzuten abiadura horretan gidatzea.

Brasilen, 20 puntu galdu ezkero, gida-baimena behin-behineko moduan erretiratzen dute herrialdeko agintariek.

“Arazoa da, ez dutela onartu nahi euren hutsegitea dela” kexatu zen Andrade. Bestalde, Andradek esan du ez duela ulertzen zelan ausartu ahal diren helegitea ukatzera, izan ere, helegitearekin batera bere autoak abiadura hori inondik inora ezin duela hartu arrazoitzen duten paperak aurkeztu baitzituen.


“ Ez dakit zelan frogatuko dudan” deitoratu zuen auto gidariak. Rafaelek bestalde, esan zuen autoa saldu nahian dabilela, baina inguruko guztiek adarra jo baino ez diotela egiten, autoak abiadura hori hartzeko asko kontsumituko duelakoan.