Chikilicuatrek musikaren mundua utziko duela aitortu zuen atzo: "Etorkizunera begira beste proiektu batzuk ditut. Budismoa praktikatu nahi dut, baina ez zait gustatzen kaletik biluzik ibiltzea. Proiektu musikal berriak ditut, 'Chaka-chaka' kasu. Hau bost pausorekin egingo dut".

David Fernandez aktoreak egiten du Chikilicuatreren papera, eta agur esan zuen atzo hil-auto batean, guztia hasi zen saioan bertan: La Sextako Buenafuenten, hain zuzen ere. Nola ez, Luciana, bere gitarra, zuen lagun.

 

CQC, La Sextan Buenafuenteren aurretik doan saioak lau segunduko isilunea egin zuen fenomenoaren telebista hileta dela eta.

Bestalde, jostailuak egiten dituen Famosa enpresak urtea amaitu baino lehen Chikilicuatre panpina kaleratuko duela jakinarazi du. Bi modelo izango dira, horietako batek "Baila el Chiki chiki" abestiaren musika eta hitza hartuko du.