Indonesiako auto-laguntzarako liburu idazle ospetsu batek ia 100.000 rupia (10.680 dolar) bota zituen hegazkin- txiki batetik bere azken liburuaren promozio gisa.

Gertakaria Serangen izan zen, Yakartako mendebaldean. Ehunka pertsona zauritu egin ziren eta 13 urteko neskato bat erietxera eraman behar izan zuten bultzada eta lasterketen ondorioz.

Tung Desem Waringin, Txinako enpresari polemiko batek, Interneten duen bere atari pertsonalean jakinarazi zuen dirua modu honetan banatuko zuela, dirua gehien behar dutenei helarazi eta ohiko marketing kanpainak alboratzeko.

Hasiera batean, idazleak dirua Yakartan bertan jaurtitzeko asmoa zuen, baina herrialdeko agintariek jende-oldeak egongo zirelakoan, debekatu egin zioten.

Hala, Tung Desem Waringinek, hegaldia beste hiri batetik egin zuen inolako baimenik eskatu gabe. Azkenean, Sernage hiriaren gainetik ibili zen eta bertako futbol zelaia albistea ezagutu bezain laster diru-gosez  zegoen jende mordoaz bete zen.

Bertako hedabideek jakinarazi dutenez, lehenengo bi hegaldietan diru multzoak futbol-zelaitik kanpo jausi ziren eta ehunka pertsona kaleetan korrika aritu ziren patrikak diruz betetzeko asmoz.