41 urteko taiwandar bat Taipeiko hilotzen deposituko hozkailu batean sartu zen bertan bere neskalagunaren hilotza baitzegoen.

Deposituko langileek hozkailuan sartu eta ordu eta erdira aurkitu zuten maitasunez (eta hotzez) hil nahi zuen maitalea eta bere onera ekartzea lortu zuten deposituko langileek eurek jakinarazi dutenez.

Aurkikuntza, tenperatura ohi baino altuagoa zelako eta hozkailuko sarraila bat irekita zegoelako izan zen. “Zuzendarietako batek hozkailua ireki eta pertsona bi ikusi zituen, eta bere bizitzako sustoa hartu zuen” azaldu dute langileek.

Gizona lasaigarri batzuen ondoriopean zegoen eta bere onera etortzerakoan esan zuenez, bere neskalagunaren ondoan hil nahi zuen. Neskalaguna, iragan ostiralean hil zen lo egiteko pilula gaindosi baten ondorioz.

Taipeiko gorpu-deposituak esan du segurtasun neurriak zorroztu egingo dituztela eta hilotzak ezagutzera doazen senitartekoek gorpua ikusi eta jarraian alde egin beharko dutela.