Errusiako Vologda hiriko (herrialdearen mendebaldean) polizia autobus bat bahitu zuen gizon baten bila dabil, bere neskalaguna beste batekin ezkondu ez zedin, bertako Fiskaltzak jakitera eman duenez.

Filme bateko argumentua izan daiteke, baina asteazkenean gertatu zen, gizon bat 47 lineako autobus bat bahitu zuenean. Gidaria mehatxatu zuen pistola baten antzeko objektu batekin, eta hiriko beste toki batera eramateko eskatu zuen, nahiz eta bidaiari gehiago zegoen ibilgailuan.

"Gidariak men egin behar izan zuen. Buelta erdi eman eta aipatutako tokira joan behar izan zen, bere bizitza eta bidaiariena ez arriskatzeko", azaldu zion Vologdako Fiskaltzako bozeramaile batek Interfax agentziari.

Bidean zehar, gizonak bere neskalaguna beste gizon batekin ezkontzen zela azaldu zuen eta beharrezkoa zuela autobusa bahitzea, orduan heltzeko eta ezkontza bertan behera uzteko.

Aipatutako tokira heltzerakoan, gizonak besterik gabe autobusetik jaitsi eta desagertu zen. Fiskaltzak txosten bat jarri du martxan, izan ere, Kode Penalak "Biolentziarekin eta besteen bizitza arriskuan jarriz, ibilgailu bat bahitzea" zigortzen du. Polizia bahitzailearen eta lekukoen bila ari da.