Alemaniako Stade hiriko (Behe Saxonia) 3.500 auzokidek etxetik alde egin behar izan dute II. Mundu Gerrako 250 kiloko lehergailu bat zutelako gertu eta hura indargabetzeko. Zorionez, arrakasta izan dute eta ez da ezbeharrik gertatu.

Britainiarrek egindako lehergailua hegazkin batek jaurti zuen II. Mundu Gerran. Garai hartako argazkietan oinarrituta, eraikitzen ari ziren eremu batean, lau metro lurperatuta, aurkitu zuten zartagailua.

Segurtasun arrazoiak medio eta lehergailua indargabetzeko, 500 metroko eremuan zeuden eraikin guztiak hustu dituzte Poliziak eta segurtasun zibileko indarrek. Gehienak etxebizitzak ziren, baina tartean bi zaharren egoitza ere baziren.

250 lagunek baino gehiagok parte hartu dute ebakuazio-operazioan. Artezilariek lehergailua indargabetzea lortu dutenean eta hura eztandarazteko leku segurura eraman dutenean amaitu da dena.