Semi-Pro filmeko hartzak bere hezitzailea hil du lepoan haginkada emanez, 'Predators in Action' Californiako San Bernardino eskualdeko zentruan entrenatzen ari zenean, bertako hedabideek jakinarazi dutenez.

Rocky deituriko grizzly hartzak, 300 kilokoa eta bost urtekoa, arrazoirik gabe eraso egin zion Stephan Millerri asteartean. Piperbeltz sprayarekin menderatu zuten hartza.

Miller animaliekin burututako eszenetan aditua den Randy Millerren lehenengusua da, eta animaliak eragindako zaurien ondorioz hil zen.

Rockyk Semi-Pro Will Ferrellen azkenengo filmean hartu du parte azkenaldian. Randy Miller ordezkoa hartzarekin borrokatu zen filmean, bere saskibaloi taldea promozionatzeko.

Iragan otsailean burututako elkarrizketa batetan, Randy Millerrek Rocky "ikuskizunaren industrian lan egiten duen hartzik onena" dela azaldu zuen. Halere, "hauetako batek lepotik heltzen badizu, akabo", gehitu zuen.

Predator in Action zentruan bi grizzly hartz dituzte, eta baita lehoi, tigre, lehoinabar eta otsoak ere. Filme eta telebista-programetarako entrenatzen dituzte.

Gladiator filmean tigreekin izandako borrokagatik saritu zuten Hollywooden Randy Miller, eta Etorkizuneko Mezularia (1997), Moreau Doktorearen irla (1996) edo Azkenengo Samuraia (2003) bezalako luzemetraietan parte hartu zuen. National Geographic edo Discovery Channeleko dokumentaletan ere parte hartu dute bere animaliek.

Ikerketa amaitzen denean, Eskualdeko Arrantza eta Joku sailak hartzaren etorkizunaren inguruko erabaki bat hartuko du. Kasu gehienetan animaliak hil egiten dira.