Nafarrek laranja dute frutarik gustukoena, nahiz eta madaria gehiago kontsumitu, Dole fruta ekoizle eta banatzaile konpainiak egindako ikerketa baten arabera.

Nafarren %28,3k madariak jan ohi dituzte eta %27,9k, ostera, laranjak dituzte nahiago. Era berean, %22k platanoa dute gustuko, %8 marrubia eta %7 kiwia.

Foru erkidegoko biztanleek laranja frutarik osasuntsuena (%62) dela uste dute. Bestalde, platanoa errez jan (%51) daitekeen fruta dela diote eta horren balio elikagarria (%21) goraipatu dute.

Azkenik, nafarren gehiengoak (%86) fruta "gustuko" dutelako jaten dutela aitortu dute, baina bitamina eta mineralen iturri direla (%36) ere oso kontutan dute.