65 eta 70 urte bitarteko gizon batek ihes egin zuen, gurpil-aulki batekin, Palo Altoko, Californian, bankuetxe batetan. Buruan txano bat zeraman, eta ezinezkoa izan da identifikatzea. Poliziak erretratu robot bat zabaldu du, norbaitek identifikatuko duen esperantzarekin.

Bizar zuridun gizon batek, 65 eta 70 urte bitartekoa, ezinezkoa dirudiena lortu du: Palo Altoko Wachovia Bankuan sartu zen, arma batekin dirua eskatu eta gurpil-aulki elektrikoan ihes egin zuen.

Kutxazaina mehatxatu, dirua hartu eta ihes egin zuen, abiadura oso motelean noski. Segurtasun sistemak ezin izan zuen adindua identifikatu. Dirudienez, gizonak txanoa eraman zuen buruan bankuetxearen barruan egon zen denbora guztian.

Californiako poliziak gizonaren erretratu robot bat zabaldu du, "norbaitek ezagutuko duenaren esperantzarekin", Dan Ryan Palo Altoko Polizia Saileko arduradunak azaldu zuenez.