Britainiako gizartea da azentua gizarte mailarekin erlazionatu izan du maiz, baina ikerlan berri baten arabera, adimenarekin ere erlazionatu daiteke.

Bath Spa unibertsitateko ikerlariek jakitera eman duten azterketa baten arabera, Birminghameko azentu eta tonua dutenak ez dira besteak bezain arinak kontsideratzen, The Times-ek argitaratu duen berri baten arabera.

Lance Workman eta Hayley-Jane Smith dira ikerlan honen arduradunak: eskualde ezberdinetako azentuekin historikoki izan diren aurriritziek bere horretan jarraitzen duten jakin nahi zuten, izan ere, BBC bezalako kateetan gero eta ugariagoak dira horrelako azentuekin aritzen diren kazetariak.

“Emaitzen arabera, eskualde batzuetako azentuek historikoki izan duten estigmak albo batera utzi dituzte eta askotan zuhurtasunarekin lotu ohi da”, azaldu dute. Baina hau ez da Birminghamekoarekin gertatzen. Erakargarriena, ikerlanaren arabera, Yorkshirekoa da. Partehartzaileei emakume gazteen argazkiak erakutsi zieten, eta aldi berean, beraien balizko ahotsa zuen grabazio bat. Beraien erakargarritasuna 0tik 10era puntuatzeko eskatu zieten.

Yorkshireko azentua duten emakumeek gehiengo puntuazioa lortu zuten, 6.71, azentu klasikoa dutenek baino gehiago. Ahoa ireki ez zutenek 5.99koa lortu zuten, eta Birminghamekoek 5.6. Adituen arabera, Birminghameko doinua delinkuentziarekin lotzen dute pertsona askok.