Hollywoodeko emakumezko aktore lirainaren iritziz, horixe da edertasun tratamendurik onena, baita odola toxinez askatzeko ere.

Ashton Kutcherren emaztea senarra baino 15 urte zaharragoa da baina ez dirudi. Hala, 45 urterekin horren eder egoteko teknika hori erabiltzen duela aitortu berri du: "Beti aritu izan nahiz osasuna zaintzen laguntzen dizuten azken metodoen bila eta duela astebete edertasun tratamendu bat egin nuen Austrian, izainekin".

David Lettermanen gaueko programan azaldu duenez, ornogabeek egin zioten lehen hozkadan garrasika hasteko gogoa izan zuen baina behin lasaitu zenean, izainak bere odola edaten hasi ziren eta toxinez libre sentitu zen.

"Loditzen ari direla ikusten duzu, odolez betetzen" azaldu du Hollywoodeko izarrak. Ikusleen artean sortzen ari zen nazkaz konturatu ondoren, barrez, ez zirela edozein izain zehaztu du, "ikuspegi medikutik, oso ondo zaindutakoak baizik".

Lehen izaina zilborrean jarri omen zuen proba modura eta gero beste hiru jarri zizkioten gorputzeko hainbat tokitan.