Pazko Irlen ezaugarri diren harrizko estatua erraldoietako bati zati bat kendu ostean harrapatu zuten turista, eta orain, kartzela zigorra nahiz 8,6 milioi pesoko (12.155 euro) isuna jaso dezake.

 

Marko Kulju, 26 urteko gaztea, igande arratsaldean harrapatu zuten Anakena hondartzan (Txileko kostaldetik 3.500 kilometrora, Ozeano Barean) dagoen moai erraldoi bati belarria kentzen ari zenean.

El Mercurio egunkariak jakitera eman duenez, bertako emakume batek ikusi ondoren, ihes egin zuen gazteak pieza bertan utziz, baina emakumeak salaketa jarri zuen eta Kulju arratsalde hartan bertan atxilotu zuten.

Christian Gonzalez Irlako Poliziaren Ikerketa buruzagiordeak azaldu duenez, salatzaileak berehala ezagutu zuen gaztea eta hark onartu egin zuen egindakoa, "estatua zirraragarria iruditu zitzaiola eta bere herrialdera oroigarri bat eraman nahi zuela esan zuen".

Turistak eskuak bakarrik erabili omen zituen belarria puskatzeko eta pieza lekuan bertan aurkitu zuten.

 

Marko Kuljuri kartzela-zigorra eta 8,6 milioi pesoko (12.155 euro) isuna jarri dakiokete egin duenagatik.

Pazko Irlak, monumentu nazionala izateaz gain, UNESCOren gizateriaren ondare kultural izendapena du.