Brooklyneko auzotar bat salatu dute bere izen berdina (Bernjamin Lowell) zuen gizon baten banku-kontutik bi milioi dolar ateratzeagatik.

Brooklyneko Fiskaltzak jakinarazi duenez, 48 urteko auzipetuak esan du bera saiatu zela Commerce Bankeko langileak ohartarazten. Lowellek adierazi du berak esan ziela bere kontuan ez zeudela 5,8 milioi dolar.

Banketxeko langileek, aldiz, bera Benjamin Lowell izanda, akatsik ez zegoela, eta nahi izan ezkero kontuan zeukan dirua atera zezakeela esan omen zioten, akusatuak azaldu duenez.

Bestalde, Brooklyneko fiskaltzak adierazi du banketxeak kaltetua izen bereko jabetza kudeaketan aritzen den konpainia bateko langile batekin erratu zutela.

Akusazioak, berriz, Lowelli kontutik bi milioi dolar atera izana egotzi dio. Ateratako dirutzarekin lagunentzako opariak, bitxiak eta arrakasta handia izan ez duten hainbat ekimen jarri zituen martxan Benjamin Lowellek.