Ivan Cabok, 29 urteko Basauriko bizilagunak, jendeari modu egokian arnasten irakasteko CD bat argitaratu du. Iraskasbidea jarraitzeko bi modu proposatu ditu Cabok: ordenagailu edo audio erreproduzigailu bidez.

Asmatzaileak dioenez, CDa Euskal Herriko Unibertsitateko (EHU) irakasle talde batek egindako ikerketa batean –AEBetako eta Espainiako hainbat aldizkaritan argitaratua izan dena– oinarrituta dago.

Tentsio handiko unetan, pertsona gehienek arnasteko modu okerra darabilte, "funtsik gabekoa eta bizkorra" azaldu du bizkaitarrak. Eta horrek, antza denez, ez dio onik egiten gure organismoari.

Metodologia jarraitzen duten lagunek airea modu patxadatsuan hartzen eta botatzen ikasiko dute eta, ondorioz, erritmo kardiakoa hobetuko, odol-basoak zabalduko eta nerbio sistema parasinpatikoa aktibatuko dute.