Myanmarreko Poliziak mehatxua egin die DVD faltsuak saltzen dituztenei: 7 urteko kartzela-zigorra Rambo IV filma saltzen duenari. Izan ere, Silvester Stalloneren pertsonaia Myanmarreko lurretan sartzen da film luze horretan.

Karen etnia jazartzen duten militar sadiko eta ustel moduan irudikatzen dira soldadu myanmartarrak Stallonek berak zuzendutako filman.

Rambo IV debekatuta dago herrialde asiarrean eta egun gutxian ekintzaile demokratek gehien bilatzen dutena izaten ari da. Izan ere, Rambok soldadu myanmartarrak nola hiltzen dituen ikusi nahi dute, Pedro Manh Shade karen etniaren buruzagiaren hilketaren ondoren batez ere.

Myanmar (Birmania zena) militarren agintaritzapean dago 1962tik eta 1990ean ospatu zituzten hauteskundeak azkeneko aldiz.