Argi dago egindakoak lehenago ala beranduago ordaintzen ditugula. Horixe bera gertatu zaie 80 urteko gizonari eta 60 urteko semeari. Orissa estatuko indiar hauek orain dela 24 urte egindako delitu batengatik fidantzarik gabe espetxeratu dituzte.

Beraien abokatuak adierazi duenez, fidantza eskakizuna errefusatuz, epaitegiak Jochila Malharri eta Ladari tribuen arteko liskarretan parte hartzea leporatzen die. Beraz, adineko gizonak ezin izango du kartzelatik atera bermea ordaindu arte.

Orissako hiritarrak, bestalde, Poliziaren aurka azaldu dira, giza oinarrizko eskubideak urratu dituela salatuz. Beraien ustez, Jochila eta semeari egotzitako karguek fidantzak onartzen dituzte.

Laurogei urte beteak dituen Jochila Malharrek ikusmen arazoak dauzka eta makila baten laguntza behar du ibiltzeko. Horrez gain, pobrezian dago eta bere bi semeen beharra dauka bizitzeko.