Zazpi seme-alaba eta 16 urte baino ez. Pamela izeneko nerabe argentinar baten istorioa da. Gutxi barru ama izango da hirugarrenez eta hirukiak izango ditu bigarren aldiz. Medikuek oso kasu bitxia dela diote, Argentinako prentsak azken egunotan kaleratu duenez.

Gainera, bere bizitza laburra den arren, lehenengo umea izan aurretik beste bat galdu zuen haurdunaldian.

Pamela Leones izeneko herri batean bizi da, Cordoba eskualdean. Lehen umea (seme bat) 2005ean izan zuen, 14 urte zituenean eta 2006. urtean hiru zazpiki izan zituen. Jaiotzean zenbait osasun arazo izan zituzten baina primeran daude egun.

Veronica Torresek, Pamela ospitalean artatu ohi duen medikuak, kasu arraroa, bitxia, dela uste du seme ugari izan baititu oso denbora gutxian.

Haren ama, Magdalena, berriz, zortzi seme-alaba izan zituen baina orain kezkatuta dago beren egoera ekonomikoa txarra delako eta ez dakitelako beste hiru seme-alabek eragingo dizkieten gastuei aurre egiteko gaui izango diren.